27 лістапада

27 лістапада — трыста трыццаць першы (трыста трыццаць другі ў высакосны год) дзень года па Грыгарыянскім календары.

Падзеі

• 511: Пасля смерці Хлодвіга I яго дзяржава падзелена паміж чатырма сынамі — Тэадорыхам I, Хладамірам, Хільдэбертам I і Хлотарам I
• 602: Візантыйскі імператар Маўрыкій разам з сынамі пакараны загадам Фокі.
• 1705: Паводле загаду Пятра I ў Расіі створана марская пяхота
• 1815: Рускі цар Аляксандр I падараваў Канстытуцыю Царству Польскаму
• 1918: У склад Літоўскай Тарыбы кааптаваны 6 прадстаўнікоў Віленскай беларускай рады. Створана Міністэрства беларускіх спраў Літвы
• 1918: Заснавана Нацыянальная акадэмія Украіны
• 1920: Пачатак Слуцкага паўстання
• 1943: Савецкія войскі ўзялі Шацілкі (зараз г. Светлагорск)
• 1989: Вярхоўны Савет СССР санкцыянаваў эканамічную самастойнасць ЛітССР, ЛатССР і ЭССР
• 1996: Спынена дзейнасць Вярхоўнага Савета Рэспублікі Беларусь (у выніку праведзенага рэферэндуму)
• 2000: Сербія і Чарнагорыя ўступілі ў АБСЕ

Нарадзіліся

• 1127: Сяоцун, імператар кітайскі
• 1717: Олаф Акрэль (пам. 28.5. 1807), выбітны шведскі хірург
• 1701: Андэрс Цэльсій, шведскі астраном
• 1857: Чарлз Скот Шэрынгтан, брытанскі фізіёлаг, лаўрэат Нобелеўскай прэміі па фізіялогіі і медыцыне (1932)
• 1865: Вольга Кабылянская, украінская пісьменніца (пам. 21.3.1941)
• 1867: Іван Жалтоўскі, беларускі дойлід
• 1874: Хаім Вейцман, навуковец-хімік, 1-ы прэзідэнт Ізраіля (пам. 11.1952)
• 1900: Рыгор Пукст, беларускі кампазітар (пам. 11.1960)
• 1903: Піліп Пестрак, беларускі пісьменнік (пам. 22.8.1978)
• 1906: Юрый Арынянскі, беларускі акцёр і рэжысёр
• 1921: Уладзімір Тарасевіч, апостальскі візітатар для беларусаў-католікаў на Захадзе (пам. 2.12.1986)
• 1938: Зоя Літвінава, беларуская мастачка
• 1940: Брус Лі, майстар усходніх адзінаборстваў, амерыканскі і ганконгскі кінаакцёр (пам. 20.7.1973)
• 1944: Мілан Кунк, сучасны чэшскі мастак
• 1947: Эдуард Белагураў, беларускі мастак
• 1953: Барыс Грэбеншчыкоў, савецкі і расійскі паэт і музыкант, галоўны выканаўца гурта «Акварыўм»
• 1960: Юлія Цімашэнка, украінскі палітык

Памерлі

• 1252: Бланка Кастыльская, каралева Францыі
• 1474: Гіём Дзюфаі, франка-фламандскі кампазітар
• 1570: Якапа Сансавіна, італьянскі архітэктар
• 1895: Аляксандр Дзюма, сын, французскі пісьменнік
• 1918: Багуміл Кубішта, чэшскі мастак
• 1932: Дамінік Сямашка, польскі, беларускі і літоўскі палітычны дзеяч (нар. 16.8.1878)
• 1938: Сымон Рак-Міхайлоўскі, беларускі публіцыст, грамадскі і палітычны дзеяч (нар. 2.4.1885)
• 1990: Восіп Любіч, французскі мастак беларускага паходжання, прадстаўнік Парыжскай школы (нар. 6.12.1896)
• 2010: Міядраг Джурыч, чарнагорскі мастак
• 2012: Ладзіслас Кійно, французскі мастак

Святкуюць

• Венесуэла: Дзень авіяцыі
• Іспанія: Дзень настаўніка
• Куба: Дзень памяці студэнтаў-медыкаў
• Расія: Дзень марской пяхоты
•  Цёркс і Кайкас, Вялікабрытанія: Нацыянальны дзень падзякі