16 кастрычніка

16 кастрычніка — дзвесце восемдзесят дзевяты (дзвесце дзевяносты ў высакосны год) дзень года па Грыгарыянскім календары.

Падзеі

• 1555: Па загаду англійскай каралевы Марыі І (Крывавай Мэры) спалены за ерась пратэстанцкія біскупы Лондана і Вочэстара.
• 1793: Пакарана смерцю каралева Францыі Марыя-Антуанэта, жонка Людовіка XVI.
• 1840: Новая Зеландыя абвешчаная брытанскай калоніяй.
• 1923: Заснавана кінакампанія Уолта Дыснея.
• 1929: Утворана Таджыкская ССР.
• 1943: Створана першае ў СССР Нахімаўскае ваенна-марское вучылішча (Тбіліскае).
• 1945: Заснавана газета «Süddeutsche Zeitung».
• 1946: Выкананы смяротны прыгавор Нюрнбергскага трыбуналу ў адносінах да нацысцкіх злачынцаў. Пакараны смерцю: Іяхім фон Рыбентроп, Вільгельм Кейталь, Эрнст Кальтэнбрунер, Альфрэд Розенберг, Ганс Франк, Вільгельм Фрык, Юліус Штрэйхар, Фріц Заўкель, Альфрэд Ёдаль, Артур Зэйс-Інкварт.
• 1964: Кітай здзейсніў першае выпрабаванне ядзернай зброі.
• 1978: Караль Вайтыла абраны папам рымскім і ўзяў сабе імя Ян Павел ІІ.
• 1982: Дзяржсакратар ЗША Дж. Шульц сказаў, што яго краіна выйдзе з ААН, калі з яе выключаць Ізраіль.
• 1988: На цэнтральнам тэлебачанні СССР пачаўся паказ тэлесерыяла «Рабыня Ізаўра» — першага бразыльскага серыяла на савецкім тэлебачанні.

Нарадзіліся

• 1430: Якаў II, кароль шатландскі
• 1708: Альбрэхт фон Галер, швейцарскі фізіёлаг
• 1854: Оскар Уайльд, ірландскі літаратар
• 1874: Ота Мюлер (мастак)
• 1884: Фларыян Ждановіч, беларускі акцёр і рэжысёр (пам. 20.10.1942)
• 1886: Давід Бен-Гурыён, адзін з лідараў сіянісцкага руху і стваральнік сучаснага Ізраіля. (пам. 1973)
• 1888: Юджын О’Ніл, амерыканскі драматург, лаўрэат Нобелеўскай прэміі 1936 года (пам. 1953)
• 1890: Майкл Колінз, ірландскі нацыянальны герой, рэвалюцыянер, палітычны і ваенны дзеяч (пам. 22.8.1922)
• 1921: Анджэй Мунк, польскі кінарэжысёр
• 1927: Гюнтэр Грас, нямецкі пісьменнік, лаўрэат Нобелеўскай прэміі па літаратуры (пам. 13.4.2015)
• 1948: Яўген Сямашка, беларускі журналіст, гісторык
• 1957: Сяржук Сокалаў-Воюш, беларускі бард, журналіст, пісьменнік
• 1983: Ларын, шведская спявачка

Памерлі

• 1553: Лукас Кранах Старэйшы, нямецкі мастак
• 1621: Ян Пітэрсзан Свелінк, нідэрландскі кампазітар
• 1793: Марыя Антуанета, каралева французская
• 1879: Сяргей Салаўёў, рускі гісторык (нар. 1820)
• 1988: Крысціян Матрас, фарэрскі лінгвіст і паэт
• 2003: Ласла Пап, трохразовы алімпійскі чэмпіён па боксе
• 2007: Дэбора Кер, брытанская актрыса
• 2019: Джон Торэнс Тэйт, амерыканскі матэматык

Святкуюць

• ААН: Міжнародны дзень харчавання (з 1945 года).
• ЗША: Дзень боса (святкуюць з 1958 года).