15 верасня

15 верасня — дзвесце пяцьдзясят восьмы (дзвесце пяцьдзясят дзявяты ў высакосны год) дзень года па Грыгарыянскім календары.

Падзеі

• 608: Баніфацый IV стаў Папам Рымскім
• 1794: Расійская армія пад камандаваннем А. Суворава разбіла пры Кобрыне войска Рэчы Паспалітай.
• 1805: Расія аб’явіла вайну Напалеону.
• 1823: Створана Віцебскае, Магілёўскае і Смаленскае генерал-губернатарства. Існавала да 1836 г.
• 1826: Падчас руска-персідскай вайны руска-азербайджанска-грузінскі атрад (6,3 тыс. чалавек) разграміў персідскае войска (20 тыс. чалавек), якое рушыла на Тыфліс.
• 1914: Рускія войскі пачалі Варшаўска-Івангародскую наступальную аперацыю.
• 1916: У «бітве на Соме» падчас 1-й сусветнай вайны англічане выпрабавалі ў баі першы ў свеце танк Mark I.
• 1928: Англійскі мікрабіёлаг Аляксандр Флемінг выдзеліў пеніцылін.
• 1944: Савецкія войскі ўступілі ў Сафію.
• 1971: У Ванкуверы (Канада) створана экалагічная арганізацыі «Грынпіс».
• 1975: Адкрыты метрапалітэн Сант’яга.
• 2017: Міжпланетная станцыя «Касіні-Гюйгенс» завяршыла сваю місію, згарэўшы ў атмасферы Сатурна.

Нарадзіліся

• 53: Марк Траян, імператар рымскі
• 973: Аль Біруні, матэматык
• 1254: Марка Пола, венецыянскі купец і падарожнік
• 1533: Кацярына з Габсбургаў, жонка Жыгімонта Аўгуста
• 1613: Франсуа дэ Ларошфуко, французскі пісьменнік і філосаф
• 1803: Гранвіль, французскі мастак, карыкатурыст
• 1828: Аляксандр Бутлераў, рускі хімік, заснавальнік арганічнай хіміі
• 1855: Канстанцін Аляксееўскі, вайсковы дзеяч, удзельнік беларускага нацыянальнага руху
• 1857: Уільям Говард Тафт, 27-ы Прэзідэнт ЗША
• 1858: Шарль Эжэн дэ Фуко, манах-трапіст, даследчык Афрыкі
• 1890: Агата Крысці, брытанская пісьменніца
• 1894: Жан Рэнуар, кінарэжысёр
• 1898: Мікалай Кавязін, рэжысёр, педагог, мастак, тэатральны дзеяч, заслужаны артыст Беларусі
• 1898: Павел Крынчык, беларускі палітычны дзеяч (пам. 22.9.1975)
• 1909: Джэймс Мэйсан, англійскі акцёр, сцэнарыст і прадзюсар (пам. 27.7.1984)
• 1909: Джын Батэн, новазеландскі пілот, якая атрымала вядомасць сваімі рэкорднымі пералётамі
• 1924: Люсеберт, нідэрландскі мастак і паэт
• 1926: Сёхэй Імамура, японскі кінарэжысёр
• 1926: Жан-П’ер Сер, французскі матэматык
• 1929: Арлен Кашкурэвіч, беларускі мастак у галіне станкавай і кніжнай графікі
• 1938: Дэмура Фуміо, японcкі майстар і настаўнік баявых мастацтваў,
• 1941: Міраслаў Гермашэўскі, першы польскі касманаўт
• 1945: Джэсі Норман, амерыканская спявачка
• 1946: Олівер Стоўн, кінарэжысёр
• 1971: Канстанцін Калеснікаў, беларускі рок-музыкант, удзельнік гуртоў IQ48 і žygimont VAZA
• 1973: Олаф Даніэль Вестлінг, фізкультурны трэнер і ўладальнік спартзалаў, муж кронпрынцэсы Швеціі Вікторыі
• 1975: Анастэйша, амерыканская поп-спявачка

Памерлі

• 1648: Афанасій Філіповіч, дзеяч праваслаўнай царквы Рэчы Паспалітай, прылічаны да святых праваслаўнай царквой (нар. ~1597)
• 1700: Андрэ Ленотр, французскі садоўнік
• 1784: Нікала Бернар Лепісье, французскі жывапісец
• 1862: Уладзіслаў Сыракомля, беларускі і польскі паэт (нар. 29.9.1823)
• 1937: Аляксандр Адамовіч, беларускі партыйны і дзяржаўны дзеяч (нар. 6.1.1900)
• 1964: Альфрэд Блейлак, амерыканскі кардыёлаг
• 1975: Павел Сухі, савецкі авіяканструктар (нар. 10.7.1895)
• 1978: Вільгельм Эміль Месершміт, нямецкі авіяканструктар і прадпрымальнік

Святкуюць

• ААН: Міжнародны дзень дэмакратыі
• Беларусь: Дзень бібліятэк
• Гандурас, Гватэмала, Коста-Рыка, Нікарагуа, Сальвадор: Дзень незалежнасці (1821, ад Іспаніі)
• Японія: Дзень шанавання старых (keiro-no hi)