11 ліпеня

11 ліпеня — сто дзевяноста другі (сто дзевяноста трэці ў высакосны год) дзень года па Грыгарыянскім календары.

Падзеі

• 1496: Горад Гродна атрымаў поўнае магдэбургскае права.
• 1613: Каранацыя Міхаіла Фёдаравіча, першага цара маскоўскага з дынастыі Раманавых.
• 1660: Войска Міхаіла Казіміра Паца прыступам вызваліла Вільню ад маскоўскага войска.
• 1705: У Сафійскім саборы ў Полацку маскоўскі цар Пётр І забіў 5 манахаў-базыльян.
• 1709: Рэшткі шведскіх войск пасля Палтаўскай бітвы капітуліравалі ў г. Перавалачным перад маскоўскім войскам А. Меньшыкава.
• 1810: Аўстралійскія кітабоі адкрылі востраў Макуоры.
• 1918: Літоўская Тарыба абвясціла Літву канстытуцыйнай манархіяй.
• 1918: У Маскве адкрыты Беларускі народны ўніверсітэт (праіснаваў да 12.8.1918).
• 1920: Армія РСФСР (РСЧА) заняла Мінск пасля адступлення польскай арміі.
• 1982: У Іспаніі скончыўся XII чэмпіянат свету па футболу. Чэмпіён — зборная каманда Італіі.
• 1995: Выхад першага нумара газеты «Народная воля».
• 2007: Ватыкан выступіў з заявай, у якой Рымскі прастол названы адзіным нашчадкам першапачатковай царквы, заснаванай Ісусам Хрыстом.

Нарадзіліся

• 1657: Фрыдрых I, кароль прускі з 1701 (пам. 25.2.1713)
• 1694: Шарль Антуан Куапель, французскі мастак
• 1723: Жан-Франсуа Мармантэль, французскі пісьменнік, філосаф
• 1745: Юзаф Вінцэнт Плятэр, дзяржаўны дзеяч Вялікага Княства Літоўскага (пам. 1806)
• 1846: Яраслаў Гол, чэшскі гісторык, паэт (пам. 8.7.1929)
• 1911: Янка Чабор, беларускі паэт, публіцыст (пам.1943?)
• 1920: Юл Брынер, амерыканскі акцёр (пам. 10.10.1985)
• 1927: Тэадор Мейман, амерыканскі вучоны, стваральнік лазера (пам. 5.5.2007)
• 1932: Анатоль Анікейчык, беларускі скульптар, педагог, народны мастак Беларусі (пам. 3.2.1989)

Памерлі

• 472: Пракопій Антэмій, рымскі імператар
• 969: Вольга, княгіня Кіеўская
• 1551: Джыралама Джэнга, італьянскі мастак
• 1916: Рык Ваўтэрс, бельгійскі мастак
• 1937: Джордж Гершвін, амерыканскі кампазітар
• 1974: Пер Лагерквіст, шведскі пісьменнік (нар. 23.5.1891)
• 1989: Лоўрэнс Аліўе, брытанскі акцёр
• 2008: Майкл Дэбейкі, амерыканскі хірург, стваральнік методыкі аортакаранарнага шунтавання (нар. 7.9.1908)

Святкуюць

• Сусветны дзень шакаладу
• Сусветны дзень народанасельніцтва Зямлі
• Італія, Палерма: Фестываль Св. Разаліі
• Кірыбаці: Дзень Евангелля
• Манголія: Дзень народнай рэвалюцыі, Нацыянальнае свята «Наадам»
• Расія: Дзень мастака па святле
• Фламандская супольнасць, Бельгія: Дзень Фламандскай супольнасці