5 ліпеня

5 ліпеня — сто восемдзесят шосты (сто восемдзесят сёмы ў высакосны год) дзень года па Грыгарыянскім календары.

Падзеі

• 663: Візантыйскі імператар Канстант II стаў першым за два стагоддзі імператарам, які ўвайшоў у Рым.
• 863: Кірыл і Мяфодзій прыбываюць у Вялікую Маравію. У гэтым жа годзе Кірыл стварае глаголіцу.
• 1203: Падчас 4-га крыжовага паходу пачалася аблога Канстанцінопаля.
• 1439: Падпісана Фларэнційская царкоўная унія аб аб’яднанні праваслаўнай і каталіцкай цэркваў пад уладай папы рымскага.
• 1705: У ходзе Паўночнай вайны расійскія войскі адбілі наступленне шведскага корпуса на Пецярбург.
• 1772: Расія, Аўстра-Венгрыя, Прусія заключылі ў Пецярбургу трактат пра Першы падзел Рэчы Паспалітай.
• 1811: Венесуэла абвясціла незалежнасць.
• 1812: Створана войска адноўленнага Напалеонам Вялікага Княства Літоўскага.
• 1828: Расійскае войска І. Паскевіча штурмам узяла турэцкую крэпасць Карс.
• 1943: Пачалася абарончая стадыя Курскай аперацыі савецкіх войск.
• 1944: Пачалася Беластоцкая наступальная аперацыя савецкіх войск.
• 1969: Адкрыццё мемарыяльнага комплекса «Хатынь».

Нарадзіліся

• 1717: Педру III, кароль Аб’яднанага каралеўства Партугалія
• 1735: Аўгуст Людвіг Шлёцэр, нямецкі і расійскі гісторык, філолаг, публіцыст і статыстык (пам. 1809)
• 1761: Луі-Леапольд Буальі, французскі жывапісец
• 1802: Павел Нахімаў, расійскі адмірал
• 1818: Антон Яленскі, кіраўнік паўстання 1863—1864 гадоў на Міншчыне
• 1888: Герберт Спенсер Гасер, лаўрэат Нобелеўскай прэміі па фізіялогіі і медыцыне (1944)
• 1910: Жорж Ведэль, французскі правазнавец
• 1939: Павел Маразенка, cавецкі акцёр тэатру і кіно, заслужаны артыст Украінскай ССР
• 1940: Чак Клоўз, амерыканскі мастак
• 1946: Герард ’т Хоафт, нідэрландскі фізік
• 1965: Людміла Рублеўская, беларуская паэтэса, пісьменніца, літаратурны крытык
• 1970: Андрэй Лукашэвіч, беларускі гісторык
• 1982: Альберта Джылардзіна, італьянскі футбаліст

Памерлі

• 1044: Самуіл Аба, венгерскі кароль (нар. каля 990)
• 1826: Жазеф Луі Пруст, французскі хімік
• 1852: Міхаіл Загоскін, рускі пісьменнік
• 1873: Джавані Карнавалі, італьянскі жывапісец
• 1927: Альбрэхт Косель, нямецкі біяхімік
• 1938: Юрый Лістапад, настаўнік, кіраўнік беларускага руху на Случчыне (нар. 7.4.1897)
• 1969: Вальтэр Гропіус, нямецкі архітэктар
• 1994: Барыс Сачанка, беларускі пісьменнік, перакладчык і выдавец (нар. 15.5.1936)
• 1996: Васіль Вітка, беларускі паэт, перакладчык
• 2005: Яўген Ціхановіч, беларускі мастак (нар. 25.11.1911)

Святкуюць

• Алжыр: Дзень незалежнасці
• Аргенціна: Дзень дзяцей
• Арменія: Дзень Канстытуцыі
• Венесуэла: Дзень незалежнасці
• Каба-Вердэ: Дзень незалежнасці

Спасылкі

• На Вікісховішчы ёсць медыяфайлы па тэме 5 ліпеня