26 сакавіка

26 сакавіка — 85-ы (86-ы ў высакосны год) дзень года па Грыгарыянскім календары.

Падзеі

• 752: Стэфан (II) III становіцца 92-м Папам Рымскім
• 1027: Конрад II быў каранаваны ў Рыме як імператар Свяшчэннай Рымскай імперыі.
• 1111: Войскі рускіх князёў пад кіраўніцтвам Уладзіміра Манамаха разбілі полаўцаў на рацэ Салніца.
• 1162: Фрыдрых I Барбароса захапіў і разбурыў Мілан пасля гадавой аблогі
• 1807: У Расіі створаны Дваранскі полк — навучальная ўстанова для пачатковай вайсковай адукацыі.
• 1828: Імператар Мікалай I выдаў маніфест аб вайне з Турцыяй.
• 1944: У Мінску ў гарадскім тэатры адбылася прэм’ера оперы «Усяслаў Чарадзей» М. Шчаглова-Куліковіча на вершы Н. Арсенневай.
• 1944: У ходзе Другой сусветнай вайны савецкія войскі ля горада Бельцы выйшлі да дзяржаўнай мяжы СССР.
• 1944: Каля 600 савецкіх самалётаў здзейснілі самы моцны за ўсю вайну СССР з Фінляндыяй налёт на Хельсінкі.
• 1953: Джонас Солк абвяшчае стварэнне вакцыны ад поліяміэліта.
• 1971: Бангладэш (Усходні Пакістан) абвяшчае сваю незалежнасць ад Пакістана.
• 1988: Утварэнне заснавальніцкага камітэту Беларускага Аб’яднання Студэнтаў (БАС) у Польшчы.
• 1995: Пачынае дзейнічаць Шэнгенскае пагадненне.
• 2000: Уладзімір Пуцін абраны прэзідэнтам Расіі.

Нарадзіліся

• 1516: Конрад Геснер, швейцарскі прыродазнавец
• 1868: Ахмед Фуад I, кароль Егіпта
• 1874: Роберт Фрост, амерыканскі літаратар
• 1911: Тэнесі Уільямс, амерыканскі літаратар
• 1913: Пал Эрдзёш, венгерскі матэматык
• 1940: Міхаіл Касцюк, беларускі гісторык, акадэмік НАНБ
• 1942: Іван Арабейка, беларускі паэт
• 1948: Стывен Тайлер, амерыканскі спявак
• 1949: Патрык Зюскінд, нямецкі пісьменнік і кінасцэнарыст
• 1960: Віктар Шніп, беларускі паэт
• 1985: Кіра Найтлі, актрыса

Памерлі

• 1212: Саншу I, 2-і кароль Партугаліі
• 1326: Алесандра Джыліяні, першая жанчына-анатам
• 1827: Людвіг ван Бетховен, нямецкі кампазітар
• 1923: Сара Бернар, французская актрыса (нар. 23.10.1844)
• 1932: Зігмунд Лазінскі, беларускі каталіцкі рэлігійны дзеяч, біскуп
• 1987: Георг Мухэ, нямецкі мастак
• 1989: Марыс-Рудольф Ліепа, латвійскі артыст балета
• 1992: Бруна Касінары, італьянскі мастак
• 2007: Міхаіл Ульянаў, рускі акцёр, тэатральны дзеяч
• 2017: Май Вольфавіч Данцыг, беларускі мастак

Святкуюць

• Дзень народзінаў Заратустры
• Бангладэш: Дзень незалежнасці